Máis de 100 anos de socialismo porriñés

A historia da nosa agrupación comeza a principios do século XX. Xa nos primeiros anos do 1900, existen referencias da Agrupación Socialista do Porriño. Dende as federacións de traballadores ao primeiro concelleiro municipal, José Francés, pasando pola guerra civil ata a recuperación da democracia a nivel local, no ano 1979 os socialistas do Porriño (PSdeG-PSOE) traballaron na procura de conquistas sociais e melloras para o noso pobo. Dende o ano 1979, a Agrupación Local do PSdeG-PSOE mantivo representación municipal na corporación, acadando no ano 2003 a súa primeira representación no goberno local dende a IIª República, e no ano 2015, a alcaldía do Porriño. Máis de cen anos, traballando por un Porriño mellor.